عندما زارنا الصافي
قَلْبَكْ صَافِي.. وْصَوْتَكْ صَافِي
أَصْفَى مِنْ شَلاّل الْوادِي
وْمَلْيُون بُلْبُل فَوْق حْفافِي
عِمْلُولَك جَوْقِة رِدّادِي
لَوْ طَبْعِتْ رَسْمَكْ عَ الْعُمْلِه
قدَّامْ إِسْمَكْ بِكْتُبْ جُمْلِه:
حَقَّكْ.. مُشْ رَحْ تُوفِي بْلادي
**
وديع
بَدِّي إِرْجَعْ..
بَدِّي إِرْجَعْ..
عَ جْناحْ صَوْتَكْ طِفْل
عَ بْلادْ شَوَّهْ ضِحْكِتَا الْمَدْفَعْ
وْشَرَّدْ جَمِيعْ الأَهْلْ
وديع.. كل ما أُوفَكْ بْتِدْمَعْ
بْيِبْكِي الْجَبَلْ والسَّهْلْ
**
